Фальклорна-абрадавае свята "Купалле"
Купалле ў Беларусі лічыцца адным з самых старадаўніх свят. Пошук загадкавай кветкі, якой не існуе, варожбы, скокі праз вогнішча, невымоўная атмасфера рамантыкі – усё гэта робіць купальскую ноч адной з самых любімых у беларусаў. Нездарма адзін з нашых услаўленых песняроў узяў сабе псеўданім менавіта ў гонар Купалля. З гісторыі, легенд і традыцый гэтага свята можна чэрпаць натхненне бясконца!
Фальклорна-гульнёвую праграму “Свята Купалля” правялі удзельнікі вакальнага гуртка пад кіраўніцтвам Малчанай Таццяны Міхайлаўны. Творчая майстэрня па пляценню купальскіх вянкоў, пазнавальная віктарына пра купальскія зёлкі, карагоды і гульні, абрады варажбы і пускання на ваду вянкоў, святочныя песні і абрады, пошук загадкавай папараць-кветкі – усё гэта дало магчымасць ўдзельнікам дакрануцца да духоўнай скарбніцы нашага народа і далучыцца да сваіх каранёў.
